एसएसजीएम महाविद्यालयाच्या विद्यार्थांची पोलीस भरतीत निवड

कोपरगाव प्रतिनिधी, दि. १० : महाराष्ट्र शासनातर्फे नुकत्याच झालेल्या पोलीस भरती प्रक्रियेत सहभागी होऊन एस.एस.जी.एम. महाविद्यालयाच्या विद्यार्थ्यांनी चांगले यश प्राप्त केले आहे. यात सेंट्रल कस्टम एक्साईजमध्ये पवन सुनील शिरसाट या विद्यार्थ्याला कॉन्स्टेबलपदी नियुक्ती मिळाली. तर रेश्मा रमजान शेख, अरबाज इब्राहिम शेख, अमोल शंकर थोरात, अनंत बबन पवार या विद्यार्थ्यांना पोलीसपदी नियुक्ती मिळाली आहे.

तसेच, गणेश सुनील वादगे या विद्यार्थ्यांची इंडियन नेव्हीत क्लर्कपदी निवड झाली आहे. या विद्यार्थ्यांनी, महाविद्यालयाच्या प्राचार्यांकडून मिळालेली प्रेरणा आणि स्पर्धा परीक्षा मार्गदर्शन केंद्र व त्यातील प्रा.संजय गायकवाड यांचे मार्गदर्शन यांचा आपल्या यशात मोलाचा वाटा असल्याचे सांगितले.

हे यश प्राप्त केल्याबद्दल महाविद्यालय विकास समितीचे चेअरमन व रयत शिक्षण संस्थेचे व्हाईस चेअरमन ॲड. भगीरथकाका शिंदे तसेच सर्व पदाधिकारी, प्राचार्य डॉ. रमेश सानप आणि सर्व प्राध्यापकांनी सदर विद्यार्थ्यांचे अभिनंदन केले आहे.

Comments

Post a Comment

Popular posts from this blog

युवराजांनी अपुरी माहिती प्रसिद्ध करू नये - दिलीपराव बोरनारे

अजूनही ६००० शेतकरी प्रोत्साहन अनुदानापासून वंचित  कोपरगाव प्रतिनिधी, दि. २३ : प्रोत्साहनपर अनुदानापासून जवळपास ६००० शेतकरी वंचित असून त्यांना हे अनुदान मिळवून देण्यासाठी आ. आशुतोष काळे पाठपुरावा करीत असून त्यासाठी वंचित पात्र शेतकऱ्यांचे अर्ज भरून घेतले जात आहे. मात्र याची पूर्ण माहिती नसणाऱ्या युवराजांनी अपुऱ्या माहितीच्या आधारावर चुकीच्या बातम्या प्रसिद्ध करू नये असा उपरोधिक सल्ला कर्मवीर शंकरराव काळे सहकारी साखर कारखान्याचे व्हा. चेअरमन दिलीपराव बोरनारे यांनी जिल्हा बँकेचे संचालक विवेक कोल्हे यांना नाव न घेता दिला आहे.  त्यांनी पुढे असे म्हटले आहे की, महाविकास आघाडी सरकारने शेतकऱ्यांना दिलासा देण्यासाठी शेतकऱ्यांची कर्जमाफी करण्याचा ऐतिहासिक निर्णय घेवून नियमित कर्जफेड करणाऱ्या कर्जदार शेतकऱ्यांना देखील प्रोत्साहनपर अनुदान म्हणून ५० हजार रुपये देण्याचे जाहीर केले होते. त्या निर्णयाची अंमबजावणी होवून १ हजार ३२३ शेतकऱ्यांना हे अनुदान यापूर्वीच मिळाले आहे. मात्र अजूनही जवळपास ६००० शेतकरी या प्रोत्साहनपर अनुदानापासून वंचित आहेत. त्यासाठी आ. आशुतोष काळे पाठपुरावा करीत असून त्यासाठी अनुद...
Read more

श्रीक्षेत्र चासनळी ते पैठण पायी दिंडी सोहळा

 कोपरगांव प्रतिनिधी, दि. २७ : तालुक्यातील श्रीक्षेत्र चासनळी ते पैठण पायी दिंडी सोहळा सालाबादप्रमाणे याही वर्षी २ ते १४ मार्च दरम्यान आयोजित केला असुन त्याचे हे तिसावे वर्ष असल्यची माहिती संस्थापक ह. भ. प. बाबुराव महाराज चांदगुडे यांनी दिली.     चांदगुडे म्हणाले की, अध्यात्माची सांगड विज्ञानाबरोबर घालुन त्यातुन वारकरी सांप्रदायाचा प्रसार करून संत एकनाथांचे विचार जनसामान्यांपर्यंत नेण्याचा हा प्रयत्न आहे. या दिंडीत असंख्य अबाल वृध्द वारकरी सहभागी होत असतात. १४ मार्च रोजी पैठण येथे बाजार समिती लहेरसिंग चौहान आडत दुकान येथे दिंडी उतरणार आहे. या दिंडीतुन ग्रामस्वच्छता, व्यसनमुक्ती, जलसाक्षरता, पर्यावरण संरक्षण, बेटी बचाओ बेटी पढाओ, हुंडाबंदी, आत्मनिर्भरता, प्रौढशिक्षण, स्पर्धात्मक परिक्षा जनजागरण, अंधश्रध्दा निर्मुलन, भ्रमणध्वनी अभासी तंत्राचा वाढत्या वापरातुन निर्माण होणा-या समस्याबाबत जनजागृती असे विविध उपक्रम राबविले जातात, या कार्याला असंख्य वारकरी बांधव तसेच समाजातील विविध दानशुर व्यक्तींचे पाठबळ मिळत आहे.
Read more

श्री मुक्ताई ज्ञानपीठासाठी कोल्हे परिवाराने यापुढेही सहकार्य करावे -स्वामी रामानंदगिरीजी महाराज

कोपरगाव प्रतिनिधी, दि. १५ : माजी मंत्री सहकारमहर्षी स्व. शंकरराव कोल्हे व माजी आमदार स्नेहलताताई कोल्हे यांनी श्रीक्षेत्र पुणतांबा येथील श्री मुक्ताई ज्ञानपीठासाठी आजपर्यंत भरीव सहकार्य केलेले आहे. त्यांच्या सहकार्यातून या ठिकाणी अनेक विकासाची कामे झाली आहेत. यापुढील काळातही श्री मुक्ताई ज्ञानपीठासाठी कोल्हे परिवाराने असेच सहकार्य करावे, अशी अपेक्षा श्रीक्षेत्र पुणतांबा येथील श्री मुक्ताई ज्ञानपीठाचे प्रमुख प.पू. स्वामी रामानंदगिरीजी महाराज यांनी व्यक्त केली. श्रीक्षेत्र पुणतांबा येथील श्री मुक्ताई ज्ञानपीठाच्या वतीने कोपरगाव विधानसभा मतदारसंघाच्या प्रथम महिला आमदार स्नेहलताताई बिपीनदादा कोल्हे यांना संत श्री मुक्ताई यांच्या पुण्यतिथीनिमित्त रविवारी (१४ मे २०२३) आयोजित सोहळ्यात कै. सौ. चंद्रभागाबाई राघोजी बुधवंत यांच्या नावाने देण्यात येणारा ‘मातोश्री’ पुरस्कार श्रीक्षेत्र देवगड येथील श्री गुरुदेव दत्तपीठ संस्थानचे प्रमुख प.पू. भास्करगिरीजी महाराज व श्री मुक्ताई ज्ञानपीठाचे प्रमुख प.पू. स्वामी रामानंदगिरीजी महाराज यांच्या हस्ते प्रदान करण्यात आला. स्नेहलताताई कोल्हे यांना सन्मानपत्र, ...
Read more